Ulug’bek Sobirov - Bir yig’lagim kelib ketadi

УЛУГБЕК СОБИРОВ - БИР ЙИҒЛАГИМ КЕЛИБ КЕТАДИ

Нокасларни омади келса
Яхшиларни устидан кулса
Мағрур бошлар эгилиб турса
Қалбимни дард тилиб кетади
Бир йиғлагим келиб кетади

Танти қизларни бахтли кўрсам
Оқилаларни ғамгин кўрсам
Бахт қушини бевафо кўрсам
Кесак отиб қувгим келади
Бир хўрлигим келиб кетади

Кимлардир тирноққа зор юрса
Ҳар дам ҲАҚҚА минг нола қилса
Кимдир фарзандин ташлаб кетса
Бу не савдо дегим келади
Бир йиғлагим келиб кетади

Қандайин ўлчамда бу олам
Ахир ҳамма бирдайин одам
Эх дунё деб битта ҳайқирсам
Бўғзимни ўт ялаб ўтади
Бир йиғлагим келиб кетади

Баракасин берсин ҳар кунни
Омадини берсин ҳар кимни
Шодмон кўрсам ғариб мискинни
Севинч ёшим иниб келади
Бир йиғлагим келиб кетади

Сира сира чидай олмайин
Бирон чора қила олмайин
Дунё билан келишолмайин
Қалбимни дард тилиб кетади
Бир йиғлагим келиб кетади