Abzal Husanov va Ziyod Yusupov - Bu dunyo

Bu dunyo bir ajib maskan muhabbat bor, saodat yo'q,
Muhabbatdan kelib chiqgan jinoyat bor, adolat yo'q.

Bu dunyoda adolat izlagan inson bilib qo'ysin,
Haq yo'lida balolar bor, musibat bor, shikoyat yo'q.

Adolat sohibi vaqti ibodatda shahid bo'ldi,
Adolat qonuni shunday, shahodat bor, xazimat yo'q.

Ajibki, qiymati hech bir kafanlik bo'lmagan yerda,
Kim o'zarga mol ustida rag'obat bor, xazorat yo'q.

Agar inson o'zin tuproqdan ustun bildi, shaytondir,
Takabburga qiyomatda mazammat bor, shafoat yo'q.

Ey Hazrati bani Odam ko'zni och tez bu g'aflatdan,
Ibodatdan talab qilsang-ki lazzat bor, shaqovat yo'q.

Tamomi ne'mati dunyo suzib yurgan bulut go'yo,
Surati tezdir, ichi bo'sh shu surat bor, kafolat yo'q.

Behishtning bog'larin sotma, jahannam o'tiga ey voh,
Bu yanglish bir tijoratdir, xasorat bor, g'animat yo'q.