Shohujaxon Bozorov - Yo'qchilik yiqitar yigit zo'rini

Dardu g'am nuratar ko'ngil to'rini,
Ko'z yoshing orttirar zamin sho'rini,
Murda topavermas ba'zan go'rini,
Yo'qchilik yiqitar yigit zo'rini.

Murda topavermas ba'zan go'rini,
Yo'qchilik yiqitar yigit zo'rini.
Bolangni ko'ziga qarolmaysan goh,
Og'ayning koriga yarolmaysan goh,

O'zingga yuz chidab so'rolmaysan goh,
Yo'qchilik yiqitar yigit zo'rini.
O'zingga yuz chidab so'rolmaysan goh,
Yo'qchilik yiqitar yigit zo'rini.

Man-man degan yigitlar sinadi
Hayot zo'ridan,
Man-man degan yigitlar sinadi
Hayot zo'ridan.

Tashvishlar o'raydi to'rt tomoningdan,
Suyak chiqib qolar yeyar noningdan,
O'zingniki nogoh o'tar joningdan,
Yo'qchilik yiqitar yigit zo'rini.

O'zingniki nogoh o'tar joningdan,
Yo'qchilik yiqitar yigit zo'rini.
Atalaga ham goh botmaydi tishing,
Topilmay qoladi bir yo'qlar kishing,

Nomardu pastlarga tushadi ishing,
Yo'qchilik yiqitar yigit zo'rini.
Nomardu pastlarga tushadi ishing,
Yo'qchilik yiqitar yigit zo'rini.

Man-man degan yigitlar sinadi
Hayot zo'ridan,
Man-man degan yigitlar sinadi
Hayot zo'ridan.