Rislig'oy Hotamova - Uchishni istadim

Учишни истадим, чўккандан кўра,
Етишни истадим, кечгандан кўра.
Мен йўлга чиқяпман, сен ҳам йўлга чиқ,
Бир кўрай, бир тўяй кутгандан кўра.

Йўлингда денгизлар кўзёшларимдир,
Тоғларнинг ҳайбати бардошларимдир.
Оғриқлар манимдир, додлар манимдир,
Улардан қаерга юришни сўра.

Сен менинг тилимда исми бор юлдуз,
Ақлдан оздирар ҳусни бор юлдуз.
Юлдузим менда ҳеч тугамас кундуз,
Тундан кундузларга кўчишни сўра.

Оловни ҳўпладим, ичдим ёнаман.
Ёнишлар ичида сенга бораман.
Севгидан ҳаққимни барбир оламан,
Фақат сен дуо қил, етишни сўра.