Oruc Qazıbəyov - Xatirələr Canlanar

Xatirələr gözümdə canlanar
Qəlbim o illər üçün darıxar
Kaş dönə bilərdim o illərə
darıxdığım yerlərə

Keçdi nə tez gözəl günlərim
O hüzurlu uşaqlıq illərim
Axtarır o yerləri gözlərim
Sevgi dolu günlərim

Zamanla olmur heç cür barışmaq
Nə tutmaq olur nə də yarışmaq
Bircə çönüb baxanda görürəm
Necə dəyişirik ildən-ilə
Ötüb keçən günün adını da
Qoymuşuq biz yaşamaq

Xəyalımla xəyala dalıram
Yenə o günü yada salıram
Necə o vaxt hər şeyin sahibi
Olmaq istərdik hər an

Hər kəs zamanda səyahət edir
Xatirələri ilə keçmişə
Xəyalları ilə gələcəyə
Hər kəs səyahət edir