Есет Садуакасов - Апа, сені сағындым

Апа, сені тағы да көрер ме едім
Сыздатқан сырымды айтып берер ме едім
Дүниеге сыя алмай жүргеніме
Сен сонда сенер ме едің, сенер ме едің

Бұл жаным сені іздейді, шырыл қағып
Келетін дүниеге жырын бағып
Апа, сені сағындым, мейіріміңді
Тұратын жүрегіме нұрын жағып

Апа, саған мұңымды шағар ма едім
Жоқ, әлде шыдап бәлкім, бағар ма едім
Басымды көкірегіңе қойып алып
Көзім жасы еріксіз ағар менің

Көңіл қалса тірлікте қанша жанға
Ұмытармын, өзің деп ән салғанда
Өзімді де қоярға жер таппаймын
Апа-ау, сені сағынып аңсағанда